ابناء مبارك... هو ابوكم اسمه ايه؟؟؟

من قمة غيظي واستعجابي واستغرابي وحسرتي على ناس من ولاد بلدي مصرين على تأييد مبارك اللي انا مُصراقول عليه مخلوع, بصحى الصبح اصبح عليهم واقولهم اللي في نفسي مرة اقول " جزمتي على دماغكو" مرة اقول اللي عندي من ابناء مبارك يمسحني عشان مبتشرفش بيكو" وحجات تانية انا مش فاكرها  بس بديهم اللي في النصيب..... المشكلة انهم بيزعلو وبيقولو هي دي الديموقراطية ؟ طب ما انتو برضه عمالين توصفونا باحط واقذر الاوصاف. ...الخونة... العملاء... الشواذ .... اللي بينامو مع بعض في خيم .. الملحدين..... واوصاف كتير على نفس الشاكلة... وطبعا هما لما بيلاقو حد بهاجمهم بيهجمو عليه زي هجوم الكلاب السعرانة على حتة لحمة لقوها بالصدفة.... عشان هما عارفين ان موقفهم ضعيف شتيمة وقلة ادب بأوسخ الالفاظ ابوك وامك ودينك ( هي دي اخلاق مبارك اللي رباكم عليها؟) وكأنه ابوهم فعلا  .. انهم قلة بسيطة قوي من شعب مصر مضحوك عليهم من ناس بتوجههم والناس ديه مدفعلوها من احد رموز النظام الفاسد السابق اللي مرمي دلوقتي في طرة بمساعدة ابن من ابناء المخلوع.. انا مش هاممني اللي متوجهيين وهما بقو معرفوين اعلاميا... انا يهمني اللي مضحوك عليهم.... اللي مش عارفين ان الثورة ديه مطالبها هتفيدهم قبل ما تفيدنا ... التغيير للأفضل هيطولهم قبل ما يطولنا.... بس تعمل ايه في القلوب اللي عليها غشاوة... هو انتو محدش فيكو امن الدولة ضايقو؟ محدش فيكو جه في نص الشهر وفلس ومرتبه خلص؟... محدش شاف ابوه بيهاتي وصحته بتضيع عشان يصرف عليه ويربيه في ظروف قاسية؟.. محدش فيكو ظابط خرتت عليه ف الشارع وسمعه كلمتين ملهومش لازمة عشان الظابط يعوض النقص اللي عنده فيكو ؟ ولا انتو شعب تاني... محدش شاف فيكو اعتقالات وقمع للحرية في عهد ابوكو المزعوم.. ولا هي الحياة وردي...... عمالين تتكلمو ان مصر مستهدفة والثورة بايدي خارجية وان العملاء بيساعدو امريكا واسرائيل على تقسيم مصر.. من الغباء الشديد انكو تفكرو كده لان الثوار عمرهم ما هيرضو ان بلدهم تتقسم او يحصل فيها تدخل اجنبي .. ده من الغباء انكو تفكرو كده.. مبارك اولا كان بيرعى مصالح اسرائيل في الوطن العربي واحنا في عهده كنا حليف وبوابة امن استراتيجية ليهم.. وكانت امريكا بتملي علينا شروطها في كل كبيرة وصغيرة بسبب المنح والفلوس المشروطة اللي كنا ناخدها منهم عشان يكتفونا اقتصاديا وعسكريا اكتر واكتر ونرعي مصالح اسرائيل ونحافظ على السلام المزعوم اللي بينا وبينهم بمعاهدة اقل حاجة يتقال عنها انها خيانة لأمة بكاملها ده غير تصدير الغاز اللي انتو عارفين انه تم في عهد المخلوع بباكم.... مين اللي متآمر هنا؟ الثوار... ولا بباكم؟ 

صفحة كريم مغاوري الرسمية على الفيس بوك (Like )

https://www.facebook.com/karimmaghawry25

حساب كريم مغاوري على تويتر ( Follow )

https://twitter.com/#!/KarimMaghawry1

قناة كريم مغاوري على اليويتوب ( Subscribe  )

http://www.youtube.com/user/Karimchata

مدونة كريم مغاوري ( عدسة كريم مغاوري)- (Join)

http://karimmaghawry.blogspot.com/