الأربعاء، 25 فبراير، 2015

الجدعان غصب عن اي حد

-كنت قلت بعد ماتم انتخاب السيسي اني مستني اشوف مؤيديه وهما بيبنوا البلد وبيشتغلوا

 عشانها والنهاردة تاني بقولهم يلا بقى ورونا الهمة خلاص الشباب الخونة والعملاء ومخربين

 الوطن اتسجنوا خلاص وخدوا جزاء انهم قاموا بالثورة عايزين نشوف بقى البلد اللي هتبنوها

 بأيدكوا طالما انتوا شايفيين اننا في الطريق الصح...النهاردة حكموا على مجموعة من اصحابي

 في قضية احداث مجلس الشورى اللي خد ٥سنين واللي خد ٣سنين بسبب مظاهرة ..معلش

 مخربين بقى هنقول ايه! واهم اتعاقبوا..بس اقولكم على حاجة..هو كاس وداير..اهم حاجة ان

 انتوا مبسوطين لا عندك ابن وبنت اتقتلت ولا ابن او بنت مسجونة..خدهم فحضنك جامد عشان 

الغول مبيفرقش ...تخيل كده كام اسرة مصرية عندها واحد من اسرتها مات او مسجون؟ حاول

 تحط نفسك مكانهم؟ مش هتعرف طبعا بس الاكيد إن انت عارف ان جواك مش كويس....

الحقيقة اني مقدرتش اروح الجلسة لأني مش هعرف عيني تيجي فعين واحد من اهالي 


اصحابي بعد الحكم...احنا برة وولادهم مسجونين..احنا جيل دفن اصحابه وزار اصحابه في 

السجون...الله المنتقم...لنا الله






صفحة كريم مغاوري الرسمية على الفيس بوك (Like )


حساب كريم مغاوري على تويتر ( Follow )


قناة كريم مغاوري على اليويتوب ( Subscribe  )



مدونة كريم مغاوري ( عدسة كريم مغاوري)- (Join)


حساب كريم مغاوري علي انستجرام


ليست هناك تعليقات:

إرسال تعليق