.اولا ميرل ستريب وجولي اندروز دول احلى حاجة في الحفلة كلها الجمال والعظمة والتألق وازاي محترمين سنهم وطالعين قمرات يجننوا ومحتفظين بجوهر الحياة نفسها فروحهم وحالة البهجة اللي قلبت الدنيا اول ماظهروا على مسرح دولبي.
-اغنية جلوري glory لفيلم سيلما selma عن(مارتن لوثر كينج) وازاي صورت رحلة كفاح الاقليات للحصول على حريتهم وحقوقهم...ادتني امل.
-الممثل جي كي سيمونس اللي خد علي اوسكار احسن ممثل/دور مساعد وهو بيقول كلمته وبيشجع الناس ان الابناء يكلموا امهاتهم وابهاتهم ويسألوا عليهم ميكتفوش بالرسايل او الفيسبوك.
-الممثلة باتريشيا اركويت اللي خدت احسن ممثلة/دور مساعد وهي بتقول كلمتها عن حقوق المرأة والمساواة بينها وبين الرجل في امريكا.
- الممثل ايدي ريدماين اللي خد افضل ممثل وهو بيقول ان الاوسكار ده لكل الابطال اللي بيقاوموا مرض Als.
-جوليان مور اللي خدت افضل ممثلة وهي بتتكلم عن مرض الزهايمر وان لازم نحسس اصحاب المرض ده انهم مش لوحدهم.
-كل ممثل وممثلة طلعوا اتكلموا وقدموا جايزة تحس بالثقة والوعي والفكر في كلامهم حتى لو حافظينه، مش مجرد لابسين بدل وفساتين عشان الاحداث ورايحين يتصوروا ويعملوا لقائات وخلاص،،احساسهم بمشاكلهم والقضايا بتاعتهم وازاي ليهم دور في المجتمع وازاي يحسوا بالآخر وازاي يحبوا الآخر.
مش هتكلم عن الفساتين اللي تجنن والبدل التحفة وجمال كل واحد وواحدة رايحين الحفلة وكأنه يوم فرحه،مش هتكلم عن التنظيم والعرض.
ده اللي عجبني جدا وانا اتفرجت على الحفلة على اليوتيوب تاني يوم لأن احنا في مصر بنحارب الارهاب وبنذيع أغاني عمرو مصطفى بس.
صفحة كريم مغاوري الرسمية على الفيس بوك (Like )
حساب كريم مغاوري على تويتر ( Follow )
قناة كريم مغاوري على اليويتوب ( Subscribe )
مدونة كريم مغاوري ( عدسة كريم مغاوري)- (Join)
حساب كريم مغاوري علي انستجرام
ليست هناك تعليقات:
إرسال تعليق