السبت، 26 أبريل 2014

اللي عصروا لمون علي مرسي فحملة السيسي،،، وبرضه حمدين اخوان؟!؟!

-حمدي قنديل وعبد الحليم قنديل اللي دعموا محمد مرسي في انتخابات الاعادة في ٢٠١٢ جبهة فيرمونت دلوقتي فحملة المرشح التاني ويقولك حمدين صباحي داعم الاخوان في الانتخابات.






-شباب التيار الشعبي اللي كان في اولى المواجهات اللي كانت مع الاخوان وتحديدا من جمعة ١٢اكتوبر واتكسرت منصتهم وتساقط منهم شهداء على مدار حكم الاخوان ويقولك كان فين حمدين ايام الاخوان رغم انه كان صخرة صلبة فجبهة الانقاذ والاخوان مارسوا عليه تشويه كبير.

-حمدين صباحي يدعوا للمقاطعة ضد احمد شفيق وضد محمد مرسي في جولة الاعادة ويطلع احمد موسى يقولك حمدين ليه علاقة بالنظام السابق وشوية يقولك ممول من الاخوان مع انه لو كان انتهازي كان قبل عرض مرسي او شفيق انه يكون نائب ليهم او يدعمهم في مقابل منصب.


-مصطفى بكرى اللي بيدعم المرشح التاني اللي كان بيهاجم الثورة وشبابها في برلمان الاخوان وبيتصقفلوا من الاخوان والسلفيين ويقولك حمدين صباحي مرشح الاخوان ومدعوم منهم وهيعمل مصالحة معاهم مع انه رافض لاي شخص بيقول على يونيو انقلاب او ان يناير مؤامرة ده غير ان المرشح التاني قالها صريحة في خطاب ترشحه انه فاتح دراعه للجميع ومش هيرفض حد!؟ يبقى مين اللي هيتصالح!؟


-مصطفى بكري اللي متصور ف ٢٠١٠ مع اسماعيل هنية وبيتكرم منه هو والمسلماني وشردي يعني قبل الثورة مباشرة ويطلعلك صورة حمدين مع محمود الزهار -فعز دور حماس في المقاومة-والزهار ساعتها شبه منفي او مستبعد في مرج الزهور بلبنان هو والرنتيسي من قِبٓل قوات الاحتلال الصهيوني سنة ٩٢ او ٩٣ تقريبا. 







-انا بقول الكلام ده عشان كل واحد يركز هو مع مين ومين واقف معاه فنفس الخندق وبيرمي اتهامات على ناس تانية ويشوف مواقف حمدين الثابتة والواضحة ويقارنها بالناس اللي دفعت بالبلد لحكم الاخوان ودلوقتي تحولوا ومع المرشح التاني عشان يغسلوا نفسهم ويجملوا وشهم وهما سبب اللي كنا فيه.

-دور حمدين فدعم المقاومة محدش ينكره ورفضه لأي تدخل اجنبي من جهة محدش يقدر ينكره برضه ووطنيته واللي قدمه البلد من كشف بيع الغاز للكيان الصهيوني وثورته مع الفلاحين ايام قانون العلاقة بين المالك والمستأجر وحجات كتير نتعب في حصرها

ومفيش حد والحمد لله قدر يثبت ورقة عليه وكله كلام في الهوا واتهامات باطلة احنا نضاف قوي بالصلاة على النبي 

#نعم 

#حمدين_صباحي #واحد_مننا_هنكمل_حلمنا

#هنعيش_كويس #حمدين_صباحي_رئيسا_لمصر 

#واحد_مننا#حكم_الثورة_جاي_اكيد 

#هنكمل_حلمنا #عيش #حرية#عدالة_اجتماعية 

#كرامة_انسانية 

#استقلال_وطني#مصر_دولة_مدنية 

#انا_اللي_مش_اخوان_وانا_اللي_مش_عسكر 

#وما_النصر_الا_من_عند_الله



صفحة كريم مغاوري الرسمية على الفيس بوك (Like )


حساب كريم مغاوري على تويتر ( Follow )


قناة كريم مغاوري على اليويتوب ( Subscribe  )



مدونة كريم مغاوري ( عدسة كريم مغاوري)- (Join)


حساب كريم مغاوري علي انستجرام

ليست هناك تعليقات:

إرسال تعليق