عدسة كريم مغاوري: دردشة مع نفسي

-احنا مش في ثورة احنا فحرب ع الارهاب والتطرف وعشان

تستمر الثورة وتحقق اهدافها اللي خرجنا بيها في يناير

وكملناها في٣٠-٦ لازم نخلص من الارهاب.

-انا كمواطن مصري بدعم الدولة المصرية ومؤسساتها

للقضاء علي الارهاب ومعنديش استعداد اقف ضد الدولة

وهي بتؤدي دورها.

-الثوار دلوقتي مقسومين وهما عادة كده متقسمين

ومتفرقين في منهم بيرددوا نفس كلام الاخوان وديه كارثة

كبيرة انك تكون ثائر بس معندكش وعي بده المفروض الثائر

اكثر وعيا من غيره عشان كده هو ثار علي الظلم فلما ياخد

موقف فصيل ارهابي ويردد كلامه وشعارته هنا يبقي في

خلل على طول لأن رومانسية الثائر تمنعه من التفكير انه

يساند متطرف.

-الثوار في منهم للاسف واقف مع الاخوان وفي منهم

للاسف بيردد كلام الاخوان وبيقنعنا انه ضدهم وفي منهم

عايز يقضي علي ارهاب الاخوان

وفي منهم ضد الاخوان وضد ان الدولة تمارس دورها في

محاربة الارهاب وفي من الثوار يرضى بحكم الاخوان لانه

شايف اللي احنا فيه حكم عسكري يعني في ثوار يرضى

بحكم الفاشية الدينية لخوفه من الفاشية العسكرية المهم

انه رضي بشكل دولة فاشي برضه فزعلان ليه ان في ناس

عايزة عسكر.مش انا طبعا.

-انا ضد الفاشية الدينية والعسكرية لذلك انا عايز وهفضل

انادي بدولة مدنية حديثة#مصر_دولة_مدنية لاني مش

هرضي لاهل بلدي باي شكل دولة فاشي.

-طول ما الثوار منقسمين وبيمارسو التخوين والتشكيك

والمزايدة علي بعض وطول ما مفيش بديل ثوري طول ما

الفلول والعسكر هيركبو والشعب هيدعمهم.

-ومش هنقدر نجيب حق الشهداء ولا نحقق

عيش.حرية.عدالة اجتماعية.كرامة انسانية. والحل في

توحيد الصف بجد مش شعارات وخلاص.

-وهفضل اقول احنا مش فمعركة تحديد شكل الدولة احنا

فمعركة بقاء الدولة من عدمها.

-وهفضل اقول انا من ثوار ٢٥يناير وهفضل احارب عشان

تنتصر ونزلت ٣٠يونيو استكملها واصحح مسارها اللي تاه مع

المجلس العسكري(طنطاوي-عنان)والاخوان.

-وكان ليا الشرف توقيع #تمرد واي حد بيهاجم الحملة ديه

وشبابها بالنسبة ليا حاقد او فاشل لانه مقدمش بديل تاني

للشعب ضد الاخوان وبيهاجم وخلاص.

-ولأي حد بيهاجم ثورة ٢٥يناير وبيقول انها مؤامرة! ازاي

بيتقال ان الجيش حمى الثورة؟ مش كده يبقي وقف مع

المؤامرة؟ راجع نفسك قبل ما تتكلم.

-#مبارك #طنطاوي #مرسي كلهم خونة كلهم قتلة.

-الشعب المصري صاحب الفضل في يناير ويونيو وتمجيد

الاشخاص يصنع الفراعنة... اياكم وصناعة الفرعون عشان

احنا تخصص فده ومعانا توكيله حصري.

نشرت بصفحتي العامة علي الفيس بوك بتاريخ

٢٩اغسظس ٢٠١٣