عن البلد اللي محدش فاهمها

• - عن البلد اللي محدش فاهمها وهيفضل السؤال الازلي "هي البلد رايحة على فين ؟"
• -عن عودة نظام #‏مبارك برجال اعماله واعلامه و #‏الحزب_الوطني في كل شبر في مؤسسات الدولة وبعد ما كنا بنحارب #‏اخونة_الدولة بقينا بنحارب #‏مبركة_الدولة 
• -عن #‏عسكرة_الدولة وتولي جنرالات جيش وشرطة المناصب الهامة من محافظين وخلافه وكل الكفائات تترمي في اقرب صفيحة زبالة وحقي وحقك يفضل يتمرجح بين ابو دبورة ونسر وكاب وبين ابو دقن وجلابية
• -عن صديقتي اللي مات والدها ف #‏رابعة_العدوية واحساس الدم فعلا اللي يقطع قلب الواحد ومتقدرش ساعتها تشمت ولا تتكلم ولازم تحط جزمة فبقك وتسكت. 
• #‏عن ٤٢ ظابط يتقتلوا وقسم كامل يتصفى ظباطه بسبب وزارة داخلية معندهاش قدرة تحمي الناس ولا تحمي ظباطها ومنشئاتها. 
• -عن الكنايس اللي بتتحرق والاقباط اللي بيتقتلوا ويتهجروا ودرس الوطنية العظيم من #‏اقباط #‏مصر اللي بيحاسبوا على المشاريب دايما مع كل سلطة بتحكم.
• عن ان اللي بيحصل من #‏الارهاب في #‏سيناء من بقايا تركة #مبارك و#حبيب_العادلي لعدم قضائهم علي الارهاب هناك وكانوا مقضينها صفقات.
• -عن ان #‏امن_الدولة واجهزة الدولة العميقة رجعت اشتغلت تاني احسن من الاول للقمع فقط بس مقدرتش تعرف ان الدم هيمتد خارج اعتصام #رابعة_العدوية و #‏النهضة وإن في محافظات في مصر تحت سيطرة الارهاب وفلتت من ايد الدولة.
• -عن الدولة اللي معرفتش تحمي المواطنين ولا المنشئات العامة ولا الكنايس ولا المتاحف ولا محافظات بأكملها وعدم وجود خطة محكمة للسيطرة علي الاوضاع مجرد هرتلة وعشوائية القرارات.
• -عن سيناء وبني سويف والمنيا اللي خارج السيطرة.
• -عن تاريخ وتراث مصر الانساني والحضاري والتاريخي اللي اتنهب من المتاحف ومفيش خطط واضحة لكيفية استراجع الاثار المنهوبة.
• -عن #‏الانسانية اللي مش معناها اني اسكت علي الارهاب ومش معناها اني اشمت في الموت.
• -عن القرف والعبث والهمجية والجهل والغباء والتخوين والقهر والثورة الحزينة اللي ليها الف اب وام واحدة بس بس عيالها كتير .
• -عن ان مكنتش اتخيل ان البلد توصل للي احنا فيه ده من ريحة الدم اللي في كل حتة. 
• -عن فشل كبير اتحدث لدولة معندهاش خطة ولا رؤية لا لحماية الدولة ولا تنمية الدولة.
• -عن ان ثور٢٥ يناير هي ثورتي الحقيقة #‎25jan

نشرت بصفحتي العامة علي الفيس بوك بتاريخ ١٦-٨-٢٠١٣

https://www.facebook.com/karimmaghawry25/posts/622434907778090

صفحة كريم مغاوري الرسمية على الفيس بوك (Like )

https://www.facebook.com/karimmaghawry25

حساب كريم مغاوري على تويتر ( Follow )

https://twitter.com/#!/KarimMaghawry1

قناة كريم مغاوري على اليويتوب ( Subscribe  )

http://www.youtube.com/user/Karimchata

مدونة كريم مغاوري ( عدسة كريم مغاوري)- (Join)

http://karimmaghawry.blogspot.com/

حساب كريم مغاوري علي انستجرام

http://instagram.com/karimmaghawry/