- البعض بيزايدوا علي شعب نازل واخد موقف ضد الارهاب ويسموهم انصار #العسكر ولاحسي البيادة و #العبيد ونسيوا ان #الجيش ملك الشعب وموقف زي ده ينفي كذب #الاخوان وآخرين من الموالاة من ان ماحدث #انقلاب ولكنه ثورة شعبية تستكمل اهداف #٢٥_يناير عيب تزايدوا علي مواقف ناس كانت في كل وقت بتقف في وش الموت،كراهيتكم للجيش مفيش حد وطني عاقل هيقبلها وانتم مش كل #الثورة، ومزايدتكم علي الدم مش هتخلينا فعلا نعرف نجيب حق واحد من اللي مات من كتر ما تاجرتوا بيهم انا نازل مش عشان افوض انا نازل لتدعيم الدولة المصرية ودعم استقلالها الوطني عن اي مستعمر داخلي واي استبداد مستمد من قوي خارجية نازل عشان ينتهي القتل في الشوارع من جماعات شايلة سلاح وبتهدد أمن المواطنين في البيوت نازل عشان البلد ديه مينفعش تبقي افغانستان نازل ضد الكراهية اللي دقن وجلابية نازل ضد آفاقين وكدابين استغلوا #الاسلام عشان يحولوا دولة عظيمة اسمها مصر لولاية. وبكررها جيشي احترمه جدا وعايزه يقوم بدوره في الحماية مش نازل اقوله يحكمني عشان الموتورين يفهموا صح لان ده دور الداخلية اصلا بس هي ضعيفة ومتهالكة فلازم الجيش يتدخل ولو مش فاهم ليه داعي النزول اقولك عشان في رأي عام عالمي لازم يعرف ان الجيش يتحرك بناء على رغبة جماهيرية واصلا #تمرد كانت داعية للنزول الجمعة ضد الارهاب من قبل ما #السيسي يطلب.. طب لو مكنش السيسي طلب ونزلنا الميدان وطلبنا الوقوف بشدة ضد الارهاب مين اللي كان هيلبي المطلب اكيد الحكومة هتكلف الجيش والشرطة فكده كده احنا اختصرنا اللفة ديه عشان مفيش وقت نستنى. انا نازل النهاردة عشان البلد ديه وههتف ضد الارهاب ومش ههتف لأشخاص ولا لاي مؤسسة انا قضيتي #مصر.
نشرت علي صفحتي العامة بالفيس بوك بتاريخ ٢٦يوليو٢٠١٣
صفحة كريم مغاوري الرسمية على الفيس بوك (Like )
حساب كريم مغاوري على تويتر ( Follow )
قناة كريم مغاوري على اليويتوب ( Subscribe )
مدونة كريم مغاوري ( عدسة كريم مغاوري)- (Join)
حساب كريم مغاوري علي انستجرام
ليست هناك تعليقات:
إرسال تعليق