في مجموعة كده بيكرهوا الجيش عموما بسبب ممارسات المجلس العسكري (طنطاوي-عنان-الخ) والمذابح اللي حصلت في عهدهم وانا معاهم قلبا وقالبا بس انا مش بكره الجيش لأن التعميم تضليل اصل مش كل الجيش حسام خبلانة وفض اعتصام الحرس الجمهوري اللي هما هما نفس المجموعة اللي بتتعاطف مع الاخوان عمالة تشتم في الجيش احب اعرف كده هو انت متعاطف مع اللي قتلوا الحسيني ابو ضيف ليه؟ هو انت متعاطف مع اللي جايبين ستاتهم واطفالهم وبيتحاموا وراهم ليه؟ طب معاهم عناصر من جيش النصرة وحماس في اعتصماتهم ليه؟ معاهم اسلحة وذخيرة ليه؟ ازاي تقارن بين اعتصام الارهابين دول ومذبحة ماسبيرو والظرف والتوقيت مختلف؟ انت بتقارن دم مينا دانيال بدم الارهابيين دول؟ تصدق عيب قوي تقارن دم طاهر بدم ارهابيين وقتلة، افتكر بقي ان ايام المجلس العسكري كنا بنهتف"جيشنا فوق الراس مرفوع والمجلس تبع المخلوع" و "يلا يا جيشنا اختار ياالمجلس يا الثوار" يبقي كراهيتك للجيش عموما فيها تضليل وكراهية عمياء محتجاك تفكر لان لو لاقدر الله حصلت حرب ضدنا من اي دولة خارجية هتعمل ايه؟ هتقف تتفرج ولا هتروح تتطوع وتحارب مع الجيش؟ ياريت نفكر شوية وياريت محدش يتفزلك ويفسر كلامي بالمشقلب انا مازلت مع محاكمة طنطاوي وعنان وباقي المجلس العسكري علي جرايمهم وعايز جيش يحمي ولا يحكم ولن اكره الجيش.
نشرت علي صفحتي العامة بالفيس بوك بتاريخ ٩يوليو٢٠١٣
صفحة كريم مغاوري الرسمية على الفيس بوك (Like )
حساب كريم مغاوري على تويتر ( Follow )
قناة كريم مغاوري على اليويتوب ( Subscribe )
مدونة كريم مغاوري ( عدسة كريم مغاوري)- (Join)
حساب كريم مغاوري علي انستجرام
ليست هناك تعليقات:
إرسال تعليق