عن هجوم انصار الشفيق والمتأسفين للمخلوع لحملة #تمرد

عن هجوم انصار الشفيق والمتأسفين للمخلوع لحملة #تمرد 

-مبدئيا احمد شفيق انتخبوا في المرحلة الاولي ٥ مليون بس والمرحلة التانية في ناس عصرت لمون برضه وانتخبوا شفيق خوفا من الاخوان يعني ال ٧ مليون مضطرين مش عن اقتناع بأنه رجل عظيم او محترم او شريف بس اختاروا اقل الضررين ضررا الناس اللي بتحاول تقنع نفسها انه معاه ١٢ مليون وراه ده كلام فارغ ،متعملهوش علينا بطل قومي ثانيا بعد دخولي علي صفحة حملة تمرد وان في ناس معجبهاش ان الحملة رفضت توقيع شفيق فهيقاطعوا الحملة، ماشي ياحبيبي قاطع انت وهوا خلي الاخوان لابدين في ارابيزك بقي ومتبقاش تعيط واللي بيقولوا ان الحملة اخواني"انت حماي يا حماي؟" ايه الهبل ده الحملة تمرد علي الاخوان وعلي كل فاسد وعلي كل رموز النظام القديم عشان مصر تستاهل احسن من كده ولو هنقعد نتهم الحملة انهم من اللي عصروا اللمون في احبيبي منك له روح قول للمجلس العسكري اللي كنت بتطبله علي دم اللي ماتوا وتنزله عند المنصة انت عملت فينا كده ليه يامجلس؟ ليه عملت استفتاء ١٩ مارس؟ مش كان زمان في دستور قبل الرئيس؟ ليه مشيت ورا كلام الاخوان والسلفيين ؟ليه وصلتونا اننا نتحط بين السيئ والاسوأ؟ اسئلوا عسكركم قبل ماتهاجموا حملة تمرد ولو هتقاطع عن ما سيادتك تمردت بس مترجعش تزعل ان الاخوان في الحكم والحملة لم ترفض توقيع اي مواطن مصري ايا كان انتمائه او فكره او عقيدته لكنها رفضت فقط احمد شفيق لانتمائه للنظام السابق ولم ترفض مؤيديه


صفحة كريم مغاوري الرسمية على الفيس بوك (Like )

https://www.facebook.com/karimmaghawry25

حساب كريم مغاوري على تويتر ( Follow )

https://twitter.com/#!/KarimMaghawry1

قناة كريم مغاوري على اليويتوب ( Subscribe  )

http://www.youtube.com/user/Karimchata

مدونة كريم مغاوري ( عدسة كريم مغاوري)- (Join)

http://karimmaghawry.blogspot.com/