يعني ايه اغلبية صامتة؟

يعني ايه اغلبية صامتة؟

يعني المجموعة التي لا تحدث فارقا ايجابيا في الحياة الاجتماعية والسياسية في اي بلد من البلاد.... يعني اللي بيقولو وانا مالي.... يكش تولع.. خربانة خربانة .. خليني مداري.. خليني جمب الحيط...... دول الاغلبية الصامتة... التي لم تشارك في احداث تغيير حتى الان في مصر ولن تشارك  ..طيب لو اتحركت الاغلبية الصامتة دي او حزب الكنبة بالبلدي.. هنا يقى لا بقيتو اغلبية ولا صامتة ولا كنبة.. وزي ما انتو بتقولو ان التحرير لا يمثلوا كل الشعب المصري.. انتم لا تمثلون الاغلبية الصامتة برضو.... بس الفرق ان الثورة ليها ميادين كتير في كل انحاء الجمهورية.. ميدان الاربعين بالسويس ميدان القائد ابراهيم وسعد زغلول في محطة الرمل بالاسكندرية وكورنيش اسكندرية كله ميدان الساعة في دمنهور بالبحيرة وفي اسوان وفي اسيوط وفي المنيا.... انتم بقى مجموعة بتتحركو شوية من ميدان مصطفى محمود شوية روكسي واخيرا العباسية. شوية تقولو ابناء مبارك واحنا اسفين يا ريس وشوية احنا اسفين يا مجلس وابناء طنطاوي.... ما تثبتو على حل بقى دوشتونا معاكو.... انما احنا بقى ثابتين على ارض صلبة..انتم رموزكوا عمرو مصطفى واحمد سبايدر وتوفيق عكاشة واحنا رموزنا حمدي قنديل وبلال فضل وابراهيم عيسى وعلاء الاسواني وجمال زهران وزكريا عبد العزيز وعبد الجليل مصطفى وبهاء طاهر ويسري فودة ووائل الابراشي وحمدين صباحي ومحمد البرادعي واحمد طه النقر وريم ماجد ومحمود سعد وكير قوي كتر من اللي ممكن دماغكوا تقدر تعملوا حصر ..ولو قعدت اعدلكو من هنا لبعد بكرة مش هيكفي ورق ولا صفحات..... لو انتم الاغلبية الصامتة تمثلوا شعب مصر يبقى ثوار شعب مصر اللي من كل حتة وشبر فيكي يا مصر دول من المريخ؟

صفحة كريم مغاوري الرسمية على الفيس بوك (Like )

https://www.facebook.com/karimmaghawry25

حساب كريم مغاوري على تويتر ( Follow )

https://twitter.com/#!/KarimMaghawry1

قناة كريم مغاوري على اليويتوب ( Subscribe  )

http://www.youtube.com/user/Karimchata

مدونة كريم مغاوري ( عدسة كريم مغاوري)- (Join)

http://karimmaghawry.blogspot.com/